De Radhauslaum

Den gansen Dag gann jetzd mer ä GedrängeUm unser aldes Radhaus rum erläm,Denn's ehrschde Endchen von de „Laubengänge“Hamm den Vergehr se gärzlich iewergäm.Das Werk beschdaund sogar ä Weidgereester,Der fremder Schdädte Scheenheed had schdudiertUn was de Tröndlin is, der Bärgermeester,Der is als Ehrschder ämal dorchschbazierd.

Wersch nich beurgrunst had, is nich in BildeUn so was wärd sei Schdammdisch nie verzeihn.De Menschheed is Sie reene hasenwildeUn wärschd von Schdins un Sellriehausen rein.De Leem sogar an unsern Naschmarchdborne,Die sein bemiehd, de Nischels rumzudrehnUm hindenrum — denn's gehd je nich von vorne —Das Wunderwerk der Baugunst zu besehn.

Nu hammer Laum — 's glingd eefach wie ä Mährchen —Da wern mer nu 'n Berliner imbenieren!Das wird so was fer all de Liewesbärchen,Die in der Grimmschen gramfhafd gogediern.Die sein geschitzd vor Regen nu un HitzeUn frein in voraus wie de Debber sich;War das in Sommer egal ä GeschwitzeUn Regen leid der neie Biwie nich!

Sogar zur Hundsdagszeid is dord es giehle,Denn von der Sonne gommd je da nischt rein.Wie wern Sie nu de zärdlichen GefiehleDer hehern Dechter ungeschdeerd gedeihn!Un dreeschd's ämal, da is das ganse RudelDer Schnierleibsdämchen widder scheene 'raus,Denn niemand gann mehr naß wern wie ä Budel,Ließ er sei Regenbarresol zu Haus.

So was wie Zuglufd wird je freilich wehen,Doch schdeerd das sicher nich ä zardes Gind,Wie se in Zugunfd dord schbazieren gehen. —Die sein gewehnd an jede Ard von Wind.Denn was bei Dielebeen un Mudder Zaspeln,Reechd ooch bis an de Gnechel nur das Gleed,Von Schogelade lebd un Sießholsraspeln,Fer die is Wind nur änne Gleeniggeed.Fritzchen Mrweesesnich.